TULUYAN na ngang humupa ang bagyo at nagpakita nang muli ang haring araw sa silangan. Sinalubong ko kaagad ito dito sa balcony, at kaysarap nito sa balat.
Napalingon naman ako kay Chane, na binuksan ang gate ng bakuran at sinalubong doon ang isang lalaking may dala ng teddy bear mascot. Maaga pa lamang ay tumawag na kaagad siya sa kung sinumang tao sa carnival at ipinadala dito ang mascot na 'yon dahil siguradong paggising ng anak niya ay hahanapin kaagad ang magic niya.
Napailing na lamang ako habang pinagmamasdan siya. Napatingala din siya dito sa kinaroroonan ko at nakangiting ipinakita sa akin ang mascot. Napangiti na rin ako. Pasayaw-sayaw pa siyang naglakad pabalik sa patio.
Excited na rin siya dahil alam niyang matutuwa ang anak namin paggising nito.
Napahinga na lang ako ng ma
