TUMAGAL ng tatlong araw ang malalakas na buhos ng ulan dahil sa bagyong nanalasa sa Luzon, na umabot hanggang dito sa aming probinsya. Tumaas din ang tubig sa batis.
Tatlong araw na rin kaming nakakulong dito sa bahay kasama ang mag-ama ko. Maghapon lang kaming nanonood ng TV, naglalaro, nag-aaral, kumakain at naghaharutan. Hindi ka naman mabuburyo dahil sa mag-amang napakaingay at full energy palagi. May mga oras ding sumasayaw at kumakanta silang dalawa.
Hindi rin sila nauubusan ng kwento. Hanggang sa mabanggit na ni Chane na siya si teddy bear mascot sa carnival.
Kaagad namilog ang mga mata ni Aya habang nakatitig sa ama niya. Naririto na kaming muli sa kama at naghahanda nang matulog. Humihina naman na ang ulan at sana bukas ay umaraw na talaga. Sa Saturday kasi ay fiesta na at sig
