Gretchen
IBINUGA ko ang lahat ng usok na laman ngayon ng aking bibig. Nilanghap ko rin at ninamnam ang bango nito na siyang nagpapakalma sa pakiramdam ko.
Isang hithit pa sa sigarilyong hawak ko at muli kong pinaglaruan ang usok nito sa ilong at bibig ko. Ibinaba ko ng bahagya ang bintana nitong kotse ko upang makalaya sila. Pinagmasdan ko na lamang ang malaya nilang paglipad sa hangin palabas ng siwang nito.
Sana ay ganyan lang kadali ang lahat.
Kaunti na lang ay hihilingin ko na ring maging katulad ni Jill. Yong wala nang nagku-control na kahit sino sa pwede niyang gawin. Yong kahit anong oras ay makakaya mo nang bumitaw sa mga bagay na hindi mo naman gusto.
Natawa ako ng mapakla.
Masaya ba ang mawalan ng magulang?
Dipende siguro kung anong klaseng tao sila.
Kung pwede lang mam
