"Molly!!" Kaagad na tumakbo si Claire papalapit sa alaga nilang si Molly na ngayon ay nakahiga sa sarili nitong kama sa isang malawak na espasyo ng living area.
Maliit lang din naman ang kama nito. Tama lang para sa kanya.
Pero namilog bigla ang mga mata ko nang maalala kong nangagat kanina ng malaking daga si Molly!
"No, Claire! Don't touch her!" kaagad kong sigaw sa kanya kasabay nang pagmamadali naming bumaba ng hagdan ni Jasper.
Napahinto din naman si Claire at mukhang nagulat din. Lumingon siya sa akin na humihikbi. "Mommy!"
"Kumagat siya kanina ng daga," ani ko sa kanya habang inilalayo siya kay Molly. Napalingon din sa amin si Charm habang nagbababa ng isang mangkok sa mesa. Napansin kong marami nang nakahandang pagkain doon.
"She's clean now. Rolly bathed her earlier," turan
