"HINDI ka man lang nagsabi na pupunta ka rito, Ate Emma," anang mommy ni Gage at nilapitan na ang babaeng nakatayo pa rin sa may pinto at hindi nawawala ang masama nitong tingin sa kaniya. Naka-arko ang isa nitong kilay at masasabi niyang maugali ito.
"Who is she?" tanong ng babae sa mommy ni Gage.
"Maupo na muna tayo, Ate Emma," aya ng mommy ni Gage rito.
Imbes na tumango, naglakad ito at nilampasan ang mommy ni Gage. Umupo ito sa kaliwang bahagi ni Grant samantalang ang ina ng dalawa ay bumalik sa puwesto nito—sa tabi ni Grant, sa kanang bahagi nito.
"I miss you so much, my dear nephews," may pagkamaarteng anas ng babae at hinalikan pa sa ulo si Grant na parang hindi ikinatuwa nito.
Kita ni Kara sa mukha ni Grant ang pandidiri na hindi niya mawari kung ayon nga ba.
"Hindi ka man la
