"HINDI ka makakalabas sa kuwartong ito hanggat hindi ka umiimik. Sino ka ba talaga? Anong kinalaman mo sa anak ko? At bakit mo siya hinahalikan?!" sunod-sunod na tanong ng ama ni Kara kay Gage.
Kitang-kita ni Kara ang galit sa mga mata ng papa niya ngayon. Parang gusto nitong sugurin ang binata at saktan.
Walang kaalam-alam si Kara sa nangyari. Nagising na lang siyang may naririnig na ingay malapit sa kaniya. Nang imulat niya ang mga mata kanina, nakita ni Kara ang pamilya niya at si Gage. At doon na nalaman ni Kara ang katotohanan. Binanggit ng Kuya Karlos niya na may nag-post daw ng larawan nila ni Gage habang naghahalikan. Akala niya nga'y hindi iyon totoo kaya siya mismo ang tumingin at doon nga niya nakumpirma na totoo ang larawan, na sila ngang dalawa iyon habang naghahalikan. Wal
