"LET'S go, baby. Nag-uuwian na ang mga tao."
Napalingon agad si Kara kay Gage nang magsalita ito. Tumango lang siya at agad naman siya nitong inaya patungo sa sasakyan nitong nakaparada sa hindi kalayuan. Ngunit hindi pa man sila nakakailang hakbang nang biglang may tumawag kay Kara. Agad niya iyong nilingon at nakita niyang papalapit sa kanilang dalawa ni Gage ang mama ni Marvin.
"May kailangan po ba kayo, Tita Madett?" nakangiti niyang tanong kahit ang totoo ay malungkot siya.
May dinukot ito mula sa bulsa at nang ilabas nito ang kamay, nakita niyang may hawak itong isang papel. Nang iabot nito iyon sa kaniya, kaagad niyang kinuha habang may kunot sa noon.
"Nakita iyan sa bulsa ni Marvin noong araw na dinala siya sa morgue. Tiningnan ko at para sa iyo iyan. Huwag kang mag-alala, Kara
