IMBES na dumiretso sina Kara sa venue ng reception ng kasal nila, mas minabuti ni Kara na sumama kay Keyla sa hospital. As usual, kasama niya si Gage dahil natatakot ito na baka bumalik na naman si Megan at muling dukutin siya. Hindi naman sila magtatagal, gusto nilang maging memorable ang kasal nila kaya hindi nila papalampasin ang pagpunta sa reception nilang dalawa.
"Makakaasa po kayo na sa lalong madaling panahon, mahuhuli namin si Megan De Jesus. Mauna na po kami at maraming salamat po sa pagpayag na interview-hin kayo," saad ng isang pulis na isa sa mga sumama sa kanila patungo rito sa hospital.
Tanging tango lang ang isinagot ni Keyla rito kaya lumisan na ang mga ito. Bale apat na lang sila sa loob ng kuwarto: si Keyla, Violet, at silang mag-asawa. Nakahiga si Keyla sa hospital be
