NAGLUKSA ang buong Altereo sa pagkamatay ni Jack. Hindi nila magawang magdiwang kahit napatay ni Jack si Haring Demetre. Sa unang pagkakataon ay naglabas ng luha ang mga mata ni Sanji. Isinakripisyo ni Jack ang buhay nito para sa kanilang lahat, maging sa buhay ng mga tao.
Naiparating sa kanila ni Dyosang Ramona ang balita na hindi napaghandaan ni Jack ang pagkamatay nito habang nasa loob ng katawan nito si Haring Demetre. Sinira ng kapangyarihan ng hari ang mortal na katawan ni Jack kaya hindi na maaring makabalik ang kaluluwa nito sa katawan.
Sa halip na magdiwang para sa tagumpay, nagtipon silang lahat at nagluksa. Nakiisa ang mga lycan at ibang nilalang sa Altereo para sa malawakang paggunita ng mga alaala ni Jack. Ito ang dakilang bayani na habang buhay nilang tatanawan ng utang na
