NANINIKIP ang dibdib ni Souljen, lalo nang ramdam niya na tuluyan na siyang iniiwasan ni Jack. Naroon ang labis niyang hinampo, poot at inggit. Simula noong nabawi ni Jack si Alona, lalo itong lumayo sa kanya. Pakiramdam niya’y dinudurog ang kanyang puso habang iniisip na wala nang pag-asa na magiging masaya siya.
Ramdam din niya na tila hindi na siya napapansin ng ibang elgreto, lalo ni Sanji. Wala na itong pakialam kung magpapakita siya o hindi sa Golereo. Isa pa itong Dyosa, wala man lang matibay na dahilan bakit pinalitan siya sa kanyang puwesto. Hindi sapat ang sinabi nito na kailangan muna niyang magpahinga. Isa iyong malaking insulto. Pakiramdam niya’y itinatakwil na siya ng mga ito.
Napasandig siya sa batong dingding ng yungib at humagulgol.
“Walang magagawa ang pag-iyak mo,” bo
