DAHIL na rin sa kagustuhang matulungan ang anak kahit pa sabihing hindi siya nagpakita sa tahanan ng mga Mckevin-Smith ay lihim niyang ihinatid ang anak doon. Saka na lamang niya haharapin ang galit ng mga kasamahan sa organisasyon kapag makasigurado siyang nasa mabuting kamay ang anak.
'Patawarin mo si Daddy, anak. Kung ito lang magagawa ko sa ngayon. You will always be my princess,' aniya sa isipan.
Hindi niya kayang nakikita ang nag-iisang anak na laging umiiyak samantalang dala-dala na nito ang bunga ng pakikipagrelasyon sa anak ng kaaway nila.
'Buntis ang iyong anak, Sir. Kaya't iwasan n'yo sanang bigyan siya ng kahit ano'ng maaring makasakit sa kalooban,' pahayag ng doctor na umistima sa anak matapos nila itong itinakbo sa pagamutan.
'Yes, Doc. I-ilang buwan na ba ang tiyan niya
