Kabanata 26
Hindi nagtagal ay narating na namin ni Egoy ang silid-aklatan. Umuna akong pumasok at agad na dumiretso sa tinutuluyan namin. Gaya nga nang sabi ni Egoy ay may mga bulaklak nga at prutas na nasa mesa. Ngunit iba yata ang hanap ng dila ko ngayon. Gusto ko 'yong katas na galing sa halayang ubas at berry, iyong inoming gawa ni ate Catherine. Saan kaya niya natutunan 'yon?
"Ate Yana..." tawag sa akin ni Egoy.
Nang lingonin ko siya'y bahagya pa itong natigilan.
"Bakit Egoy?" tanong ko.
"Ate may suot ka ba no'ng pangpakulay sa mata? Ang astig ate Yana, kulay dilaw, bagay sa 'yo," nakangiti pang wika ni Egoy sa akin.
Ang tinutukoy niya ba ay iyong pamalit sa salamin sa mata? Namilog ang mga mata ko at diretso napapasok sa silid ko. Agad kong inusisa ang mga mata sa harapan ng sa
