PATULOY pa rin si Zhyke sa paghila kay Gaia na hindi pa ma-process sa kaniyang utak ang sinabi ng binata. Ngunit muli din siya natauhan at pilit na hinihila ang kamay mula sa pagkakahawak ni Zhyke.
"T-teka nga muna! S-andali lang!" sambit pa ni Gaia. Pero hindi siya pinakinggan ng lalaki at patuloy lang siya nitong hinihila hanggang makapasok sila pabalik sa tinutuloyan nila. At tsaka lang nito binitawan ang kamay niya habang nakatalikod ito sa kaniya.
"May balak ka bang putulin ang kamay ko, Zhyke?" singhal ni Gaia dito. Hinihimas niya ang kaniyang kamay dahil namumula iyon mula sa mahigpit na pagkakahawak ni Zhyke doon. Nanataling nakatalikod sa kaniya si Zhyke at naririnig niya ang mahinang pagmumura nito. Hindi niya maintindihan kung bakit nagkakaganito ito.
"Ano bang nangy
