NAPATIGAGAL silang lahat sa isinigaw ni Apo Omre, sila’y nakatanaw sa napakalaking ibon na nasa harapan nila Zhyke.
"Andito ba siya para tumulong?" tanong ni Zeira. Lahat sila ay manghang nakatingin sa kulay abong ibon, hindi nila masyadong maaninag ang buong katawan nito dahil tanging apoy lang ang nagsisilbing liwanag. Ngunit ang sinabi ni Zeira, nandito nga ba ito para tumulong?
"Puntahan natin!" sigaw ni Rania. Nauna itong tumakbo kaya walang nagawa sila Gaia kun’di ang sumunod. "Huwag na tayong bumalik! Avian is a dangerous mythical creature!" rinig pa ni Gaia na sigaw ni Demitre mula sa likuran nila. Kasabay ni Gaia si Zeira sa pagtakbo, sumusunod sa kanila ang ginawang fireball ni Fier.
"Anong ibig mong sabihin Demitre?" tanong ni Fier dito. Gusto rin sana ni Gaia na ma
