"PWEDE po bang magtanong?" tanong ni Gaia sa babaeng nakita niya na nag-aayos ng matutulogan nila. Nasa labas pa rin ang mga kasama niya, atuloy na nakikipagkwentuhan kay Apo Omre.
"Ano 'yon, iha?" nakangiti namang tugon ng babae. Wari niya’y mas matanda lang ito sa kaniya ng ilang taon. Kagaya ng karamihan ay kakaiba ang suot ng mga kababaihan dito. Ang saya nila ay gawa lamang sa mga dahon na pinagtagpi at ang kanilang ginamit na pantakip sa kanilang dibdib ay ang bao ng niyog, at may tela silanng ginamit para panghalili sa t-shirt.
"Saan po ang palikuran niyo dito?" Kanina pa kasi siya naiihi. Nahihiya lang siyang umalis sa kinauupuan niya dahil nagsasalita pa si Apo Omre.
"Naku, dadalawa lang ang palikuran namin dito, iha. Sundan mo lang itong hanay ng mga bahay tapos liko
