“KAPAG ba natalo ko ang koponan ng Harold na iyan iiwanan mo na siya?”
Kasalukuyang nakaupo si Baron sa harapan ng isang burger stand sa may crossing na matatagpuan sa kabilang barangay. Nasa kabilang upuan naman ang isang babaeng may mahabang buhok na nakasuot ng reading glass at kasalukuyang kumakain ng burger.
Nakatalikod ng upo si Baron at nasa direksyon sa labas ang tingin, habang ang babae naman ay nakaupong nakaharap sa nagtitinda ng kanilang kinakain.
Hindi sumagot ang babae sa tanong na iyon ng kanyang kaibigan. Kasintahan niya si Harold Salazar, ngunit nagpapakatanga siya rito. Alam niyang hindi siya nito mahal pero patuloy pa rin siya sa pagdikit at pagsunod sa mga gusto nito.
“Mahal ko si Harold...” mahinang winika ng babae at napahigpit naman sa pagkakahawak si
