BIGLA na lamang natumba si Ricky at mabuti na lamang at mabilis itong nasalo ni Adolfo Karim. Napatayo tuloy ang mga nakaupo sa bench ng Panthers dahil doon.
Napangiti na lamang nga si Ricky nang siya’y iupo ng kanyang mga kasamahan. Inabutan siya ng tubig at pinaypayan. Akala ng binata ay kaya pa niya, kaso, nanghina na ang kanyang mga hita at binti. Lalo na nga’t agresibo pa rin siya sa kanyang paglalaro.
“Tsk... Dalawang minuto na lang!” bulalas niya sa kanyang sarili habang nakatingin sa itaas para tingnan ang scoreboard.
“Magpahinga ka muna Ricky. Pagod ka na. Kailangang ikalma mo muna ang iyong katawan sa bench,” wika naman ni Kap na seryosong nakatingin sa binata. Napalunok pa nga siya ng laway dahil wala siyang choice kundi paupuin ito. Hindi pa nga siya sigurado kung m
