Hingal na hingal si Fritz nang sumakay sa kanyang sasakyan, marahan silang nagmanman muna. Pansin nila ang paggala ng ilang security personnel sa buong ospital hanggang maya-maya ay may dumating na pulis.
"Kumusta, siguro naman sa pagkakataong ito ay natuluyan na siya," matiim na tanong ni Catherine kay Fritz na noon ay abala sa pagpunas sa pawis nito.
"Nalagay ko ang lason sa dextrose niya, dumating agad ang lalaking iyon kaya hindi ko na alam, basta nakita kong tumitirik ang mata ng Antonette na iyon at nabula ang bibig," sabad naman ni Fritz na halatang pagod na pagod pa rin sa ginawa nito.
"Good job, tignan lang natin kung makatakas pa ang babaeng 'yon," bunyi ni Catherine.
Ilang minuto rin silang nakipagparamdaman sa mga security na gumagala sa buong paligid ng ospital, hindi nila
