Kahit anong tawag ang gawin ni Frank ay hindi na talaga niya matawagan ang numero ni Valerie. Napaparami na siya ng naiinom at mas lalong gumugulo naman ang kanyang isipan. Samo't sari ang naglalaro sa isipan, kung bakit siya biglang iniwan ni Valerie.
Maya-maya ay may babaeng lumapit sa kanya. Maganda at seksi ito, mga babaeng dahilan kung bakit siya nagpupunta sa mga clubs at bars noon.
"Hi, I'm Jane, kanina pa kasi kita tinitignan mula sa table namin. Mukhang mag-isa ka, mind if I join you?" tanong nito na nasa mukha ang mapang-akit na mga ngiti.
Kung noon ay gustong-gusto niya ang mga ganoong approach ng mga babae sa kanya, ngayon ay tila nawala na rin siya ng gana sa mga babaeng ganoon.
Hindi niya pinansin ang babae at panay lamang ang kanyang tungga hanggang sa napansin rin nito
