Hindi mapigilang mapatawa si Valerie sa hirit ng lalaki sa kanya pero napatigil naman siya nang marinig ang sinabi nito.
"W-wala, naalala ko lang kasi, Valerie rin ang pangalan ng babaeng palaging binabanggit ni boss," saad nito.
Ilang sandaling napatigil si Valerie pero maya-maya ay ngumiti sa lalaki.
"Sabagay, maraming Valerie sa mundo, baka naman iyong artista na 'yan," pagpapatawa niya sa lalaki.
Tumawa rin ito saka muling naalala na sabihin rin ang pangalan nito.
"Ramil Ramirez," anito sabay lahad rin ng palad nito na agad naman niyang kinuha.
"Nice to meet you, Ramil," pormal na turan dito na kinangiti ng lalaki. Dahil wala pa ang flight nila ay mas lalo silang nagkakilala ng lalaki, mas bata ito ng tatlong taon sa kanya, gayun pa man ay hindi halata dahil mamang-mama na ito t
