Kanina pa siya palakad-lakad sa loob ng silid. Hindi mapakali sa kahihintay kay Enzo.
Nakakatakot ang papa ni Enzo. Hindi nito tinatago ang pagkasuklam sa kanya, kaya lalo siyang natatakot dito. Alam niyang mas pipiliin ng ama ni Enzo si Sophie kaysa sa kanya. Wala naman siyang maitutulong kay Enzo—isa lang siyang ulilang estudyante. Aminin man niya o hindi sa sarili, isa lang siyang pabigat kay Enzo. Iyon ang totoo.
“Ano bang gagawin ko?” bulong na tanong niya sa sarili.
Sinulyapan niya ang mga bulaklak na bigay sa kanya ni Enzo na nasa ibabaw ng kama. Ang saya-saya pa naman nila kanina. For the first time, nakapag-date sila, at syempre, nag-aminan na sila ng damdamin para sa isa’t isa. Mahal siya ni Enzo, at mahal din niya ito.
Inakala pa naman niyang ito na ang gabing pinakahi
