Hawak niya ang cellphone habang nakaupo sa likod ng mamahaling kotse. Mag-isa lang siya sa likuran.
Ang driver naman ay ang lalaking humarang sa kanya kanina sa gate ng university. Sinabi ng lalaki nais siyang makausap ni Mr. Lorenzo De Silva. Ang papa iyon ni Enzo. Hindi siya maaaring magkamali, kaya agad siyang tumango at sumama, at sumakay sa kotse.
Sinabi nito na sa De Silva Company siya dadalhin para doon siya kakausapin ni Mr. Lorenzo De Silva.
Alam niyang pinagbilinan siya ni Enzo na tawagan niya ito kapag lapitan siya ng ama nito. Pero ewan niya kung bakit narito na siya sa loob ng sasakyan ngayon at hindi pa rin tinatawagan si Enzo.
Napatitig siya sa cellphone na hawak. Napakagat-labi pa siya, saka bumuntong-hininga. Mariing pinikit ang mga mata at isinuksok sa loob ng
