Chapter Thirty Three
MAUREEN
HINDI ko alam kung ano ang una kong gagawin nang marinig ko ang balita mula kay Melissa.
Ito na nga ba ang sinasabi ko. Kaya nga ba gusto ko siyang huwag umalis kanina dahil sa pangamba sa dibdib ko. Paano kung may mas masama pang mangyari bukod sa nabunggo ang minamaneho niyang sasakyan?
“Nasaan siya Melissa?” nag-aalala kong tanong sa kanya.
“Ma’am, sa tingin ko po ay nasa San Lorenzo Medical Center na siya dahil may ambulansya na po kanina. Namukhaan ko po siya bago isakay kanina sa ambulansya at kilala ko rin po ang kotse na gamit niya,” may halo ring pag-aalala si Melissa.
“Tara na sa ospital,” halos hindi ko alam ang kukunin ko dahil sa pag-aalala.
Pero wala nga palang masasakyan dahil dala nilang lahat ng pwedeng gamitin dito sa bahay.
“Saglit la
