Hindi na mabilang kung ilang buntong hininga na ang pinakawalan ni Lorben. Napakalalim kasi ng iniisip niya na syempre tungkol sa mga taong tagatago ngayon ng mga ardia (guardian) ng kanilang prinsesa. Kasing lalim ng gabi ang kanyang pagmumuni, kung ano ang marapat niyang gawin sa limang nilalang. Akala niya kapag makikita na niya ang mga ito ay wala na siyang alalahanin pa kundi ang sanayin ang mga ito sa pakikipaglaban gamit ang mga ardia tapos ay iligtas na ang mundo nilang Albayana. Subalit ngayon niya napagtanto na hindi pala ganoon kadali dahil dapat din niyang isaalang-alang ang mga kaligtasan nila. At iyon ang kanyang sinusuliranin sa mga sandalong ito. Paano kung hindi niya sila maturuan ng tama? Paano kung magkamali siya? Paano kung ikakapahamak lang nila ang pagkumbinsi niya sa
