PRECY
Ginawa na yatang helipad ni Aryan ang plaza dito sa barangay. Mabuti na lang at hindi nagrereklamo ang mga kapitbahay at ka-barangay ko na malimit pumunta dito ang chopper na pagmamay-ari ng asawa ko dahil halos araw-araw kung puntahan siya dito ng kaniyang mga tauhan.
Hapon na ngayon at hinihintay naming dumating sina Casper na siyang inutusan ni Aryan na pumunta sa Maynila para sunduin si Doctor Santos.
Hindi nagtagal ay narinig ko na naman ang pamilyar na tunog ng lumapag na chopper na pag-aari ng asawa ko sa plaza. Kahit hindi namin sabihin sa mga taga dito sa isla kung sino si Aryan ay sigurado na ako na alam na nila na mayaman siya at hindi basta ordinaryong employee lang.
Nakasandal ang likod at ulo ko sa headboard na gawa sa kahoy dito sa loob ng silid namin ng kambal. Hi
