PRECY
Mahimbing na ang tulog ng kambal, pati na rin ang bunso ko, kaya bumaba ako at bumalik dito sa sala para tingnan kung ano na ang ginagawa ng asawa ko.
Naabutan kong nag-iinuman sina Aryan, pati na rin ang ilan niyang mga tauhan. Sumuko na rin sa alak ang dalawa pa nilang kasama, na ngayon ay walang pakialam sa paligid na nakasalampak sa sofa.
Mukhang lasing na si Casper, gano'n rin si Tom na namumula na ang buong mukha.
Hating-gabi na, kanina pa sila nag-iinuman pero hanggang ngayon ay hindi pa sila tapos. Naubos na rin nila ang inihaw namin kanina at nagpaluto pa nang pulutan.
“Boss, may dumating na magandang chicks.” Itinuro ako ni Tom, kaya sabay na nabaling ang tingin nina Casper at Aryan sa akin.
“Maganda nga,” nanliliit ang namumulang mga mata na sabi ng asawa ko.
“Kahi
