PRECY
Dahil maganda na ang pakiramdam ko, kaya nagawa kong lumabas ng silid at pumunta dito sa ground floor. Sabay kaming bumaba ni Aryan pero may natanggap siyang tawag, kaya minabuti kong puntahan sa kusina si Tinay.
“Good afternoon, ma'am,” magalang na bati sa akin ng dalawang babaeng naabutan kong abala sa pagluluto dito sa kusina.
Hindi ako pamilyar sa dalawang naka-uniform na kasambahay sa harap ko dahil bago sa paningin ko ang kanilang mga mukha. Wala pa sila dito sa bahay ni Aryan nang umalis ako noon dahil si Dora ang nakikita kong kasama ni Tinay dito araw-araw bago ako umalis.
Ngumiti ako sa mga kaharap ko at nagtanong.
“Si Tinay?”
“Nasa garden po, ma'am, kasama ang mga bata,” sagot ng babaeng hindi ko na tinanong ang pangalan.
“Salamat,” sabi ko sa dalawa bago mabilis
