ARYAN
Nang umakyat sa loob ng silid namin ang asawa ko ay pinatawag ko agad ang mga tauhan ko. Kung dati ay nasa harap ko agad si Casper ay hindi ko nakita kahit anino ng kanang kamay ko ngayon.
“Nasaan si Casper?” tanong ko kay Jerry.
“Hindi ko po nakita simula kanina, boss,” sagot agad ng tauhan ko.
Napunta kay Tom ang paningin ko. Nawala ang ngisi sa labi nito ng makitang nakatingin ako sa kaniya, kaya napatayo siya ng tuwid at naging pormal ang ekspresyon ng kaniyang mukha.
“Boss, bodyguard po ako ng mga baby boss namin, kaya wala po akong alam kung nasaan na si Casper.”
Itinaas ko ang kanang kamay ko at binigyan ng sign na tumahimik si Tom.
“Tawagan mo si Casper,” matigas ang tinig na utos ko sa kaharap na tauhan ko.
Mabilis naman nitong kinuha ang cellphone at agad na tinawag
