ARYAN
Mainit ang ulo na bumalik ako sa library na nagsisilbing opisina ko kapag narito ako sa bahay, habang mahigpit na hawak ng kanang kamay ko ang lintik na plastic na binigay sa akin ni Tom kanina at dinala ko para sana ibigay sa asawa ko.
Nang makapasok ako sa loob ng library ay agad na tinawagan ko si Tom at inutusan na puntahan ako ngayon din dito sa opisina ko.
Wala pang limang minuto ay bumukas ang pintuan at iniluwa ang taong hinihintay ko. Kung wala lang dito sa bahay ang asawa at mga anak ko ay bala ng baril ko ang sasalubong sa gagong ito.
“Boss,” abot-tenga ang ngiti at agad na bati sa akin ni Tom.
“Where's the money?” walang paligoy-ligoy na tanong ko sa kaniya.
“Money? Anong pera ‘yan, boss?” Basta talaga usapang pera ay nagmamaang-maangan na ngayon si Tom sa harap ko,
