PRECY
Malakas na ingay at sigaw ni Tinay ang umalingawngaw sa buong kabahayan habang sumisigaw si Tom na para bang nag-aaway silang dalawa ang narinig namin ni Aryan habang pababa kami sa hagdan.
“What's happening here?” malakas at matigas na tanong ng asawa ko sa mga tauhan niya na naabutan namin dito sa sala.
“Good morning, boss,” tila kinakabahan na bati agad ni Tom sa asawa ko.
“Ang aga-aga, bakit nag-aaway na naman kayong dalawa?” tanong ko kina Tinay at Tom.
Nagkatinginan silang dalawa. Hindi nila sinagot ang tanong ko at mukhang walang balak magpaliwanag sa amin ang kahit isa sa kanila.
“Now, what?” tanong ni Aryan sa mga tauhan. “Wala bang magpapaliwanag sa inyo?”
Biglang sinipa ni Tinay si Tom. Malakas naman itong umaray at lukot ang mukha na hinimas ng lalaking kaharap nam
