ARYAN
Excited nang umalis ng bansa ang mga anak ko. Magbabakasyon kami sa France gaya ng napagkasunduan namin ng asawa ko dahil gusto niyang mamasyal doon.
“Papa, hindi po ba nakakatakot sumakay sa eroplano?” inosenteng tanong sa akin ni Paul habang lulan kami ng sasakyan papunta sa airport.
“No, son. Kasama n'yo ako, kaya huwag kang matakot.” Ginulo ko ang buhok ng anak ko dahil kanina pa siya paulit-ulit na nagtatanong sa akin.
Six years old na ang mga panganay namin ni Precy. Ilang buwan na lang ay malapit na silang mag-pitong taon. Ito ang unang pagkakataon na lalabas ako ng bansa na kasama sila dahil naging maselan ang pagbubuntis ng asawa ko sa bunso namin, kaya minabuti naming mamalagi muna sa bahay hanggang sa nakapanganak siya.
“Boss, traffic po,” sabi ni Tom na siyang driver
