PRECY
Handa na ang mesa nang bumaba si Aryan. Nakapag-timpla na rin ako ng kape at inilapag sa harap niya nang umupo siya sa tabi ko.
“Inumin mo na 'yan bago pa lumamig para mawala ang hangover mo,” sabi ko kay Aryan dahil nakita ko siyang nakatitig lamang sa umuusok na kape sa kanyang harapan.
Nakita ko siyang ngumiti at pagkatapos ay inabot ang tasa ng kape at uminom.
“Hindi ka ba papasok sa opisina mo ngayon?” tanong ko kay Aryan.
Past eight o'clock na, ganitong oras ay nasa opisina na si Aryan pero narito pa siya sa bahay at mukhang walang balak pumasok sa trabaho ngayong araw.
“Maybe later.” Narinig kong sagot ni Aryan matapos humigop ng kape.
Nang makita kong lumapit sa amin si Tinay ay tinanong ko siya. “Tapos na bang kumain si Daddy?”
“Opo, ma'am. Katatapos lang po,” mabil
