PRECY
“Ma'am, bawal pa po sa iyo ang tumayo. Ang bilin po ni Doctor Santos ay magpahinga kang mabuti.” Narinig kong pigil sa akin ni Tinay ng makita niya akong bumaba sa kama.
Kadarating lang niya, dala ang isang baso ng juice na pinakuha ko sa kanya sa kusina. Agad niyang inilapag ang hawak na tray sa ibabaw ng center table at mabilis na lumapit sa akin.
“Tinay, okay na ako. Gusto ko lang munang sumagap ng hangin sa labas,” mabilis na sagot ko.
“Ma'am, pasensya na po. Sobrang nag-aalala po ako sa iyo kasi natakot ako kanina ng abutan kitang nanginginig at nanlalamig ang buong katawan mo nang pumasok ako dito sa loob ng silid mo,” malumanay na hinging paumanhin at paliwanag ni Tinay.
Biglang namasa ang mga mata ko at tuluyan akong naluha. Hindi ako nagsalita. Humakbang ako palapit kay
