PRECY
Bago umalis si Aryan ay ramdam kong lumapit siya sa gilid ng kama at magaan na hinalikan niya ako sa noo. Hindi ko alam kung aware siya na gising pa ako pero minabuti kong huwag magmulat ng mga mata at nagkunwaring natutulog na.
Ilang minuto rin ang lumipas na nakaupo siya sa gilid ng kama at mukhang pinagmamasdan ako. Naramdaman kong hinawakan niya ako sa braso, pero hindi nagtagal ay tumayo na siya at lumabas ng silid.
Saka ko lang namalayan na matagal ko na palang pigil ang hininga ko ng makalayo si Aryan sa akin. Huminga ako ng malalim at pagkatapos ay mabilis na sumagap ng hangin nang makalabas dito sa silid si Aryan.
Nagpalipas ako ng apat na minuto bago tumayo at lumapit sa makapal na glass wall. Hinawi ko ang kurtina at sumilip sa labas ng bahay dahil gusto kong makasigu
