PRECY
Nakita ko ang gulat na reaksyon ni Ate Marites ng makita niya dito sa loob ng bahay si Aryan na nakaupo sa sofa at kasama ang mga anak ko.
Mula kay Aryan ay bakas ang pagtataka sa mga mata na napatingin si Ate Marites sa akin dahil simula ng sumama ako sa kaniya noon ay ito ang unang pagkakataon na nakita niyang may lalaking pumunta dito sa bahay.
“Good afternoon, ate,” nakangiting bati ko kay Ate Marites.
Tumayo ako at lumapit sa kaniya para tulungan siya sa mga dala niyang pinamili sa bayan.
“May bisita pala tayo ngayon, Precy,” mahinang sabi sa akin ni Ate Marites.
Ngumiti ako sa kaniya. “Sino siya?” halos pabulong na tanong ni Ate Marites nang kunin ko ang ilang malaking plastic bag na dala niya.
“Asawa ko po, ate,” mahinang sagot ko.
Nakita ko siyang natigilan. Sumulyap
