PRECY
SIX MONTHS LATER…
“Good morning, mama!”
Nagmulat ako ng mga mata ng marinig ko ang matinis na tinig ng mga anak ko. Dumating na pala sila at pumasok dito sa silid namin ng hindi ko namalayan dahil nakatulog na naman ako.
Nagiging antukin ako lalo na kapag hapon. May kalakihan na rin ang tiyan ko dahil malapit na itong mag-pitong buwan, kaya excited na ang kambal na makita ang baby sister nila.
“Ang aga n'yo namang umuwi,” inaantok na sabi ko.
“May tumawag po kasing babae kay Tito Andrei, Mama, kaya hinatid niya agad kami dito sa bahay,” paliwanag at sagot ni Paul.
“Yes, Mama. May babae pong pumunta doon sa park, tapos kinuha ni Tito Andrei ang number. Ang sabi ay tatawagan daw yung girl,” pagkukwento naman ni Patrick.
Babaero rin kasi talaga ang isa pang kapatid ni Aryan. A
