Napasinghap sa hangin si Jo-anne nang biglang may kamay na dumantay sa isang balikat niya habang hinahanap niya ng tingin ang babaeng walang mata.
Natigilan siya at napatayo ng matuwid.
Lalo siyang kinilabutan nang humangin pa ng pagkalamig-lamig ang paligid.
'Wag naman sana siyang sasaktan ng babaeng walang mata. Nagtapang-tapangan lang naman siya kanina dahil gusto niyang malaman kung bakit ito laging nagpapakita sa kanya. Wala naman sanang takutan. Yay!
"Jo-anne, anong hinahanap mo?" subalit ay boses ni Jaycion.
Biglang lingon siya sa kaibigan at nakahinga siya ng maluwang nang makita niyang si Jaycion nga ang nakahawak sa balikat niya.
"Ikaw lang pala! Akala ko 'yung babaeng walang mata na!" aniya sabay palis sa kamay ng binata. Parang naubusan siya ng lakas na napatutop sa dibdi
