"Ate?!!!!! Huhuhuhu!" Napayakap si Madel sa kaniyang Ate Jo-anne. Natatakot siya sa barilan. Tapos kitang-kita niya na inilayo na siya ng mga lalaking kumidnap sa kanya sa kanyang Daddy. Tinatakas na siya. Hindi siya ibinalik sa Daddy niya!
"Tama na na muna 'to! Umalis na muna tayo rito!" Naalarma para kay Madel na sabi ni Jo-anne kay Jaycion.
"Sige! Sige! Tara na!" Sang-ayon ng binata kahit hindi niya nakikita ang nangyayari sa bata. Pero dahil sa ekspresyon ng mukha at kilos ni Jo-anne ay batid nitong nahihirapan ang batang multo.
Kinarga ni Jo-anne si Madel at patakbo silang nagtungo sa kotse. Dali-dali silang sumakay ni Jaycion. Saka pinaharurot agad ni Jaycion ang sasakyan palayo sa lugar na iyon.
Manakang-nakang napapatingin si Jaycion kay Jo-anne nang makalayo sila. Alam niyang
