Nahintakutan, kinilabutan at napaluha si Mang Estong nang sinabi ni Jo-anne ang katotohanan na nakikita niya ang batang si Madel na kinidnap nila at namatay.
"N-nasa'n siya? Hindi na ba siya galit sa'kin?" emosyonal na tanong ni Mang Estong.
Tumingin si Jo-anne sa batang multo bilang paghingi ng permiso sa nararapat niyang sabihin.
"Sabihin mo Ate Jo-anne na okay na po ako. Sabihin mo po na hindi na po ako galit. At naalala ko na po siya! Siya po ang nag-alaga sa'kin noon no'ng kinidnap nila ako! Siya po ay naging mabait sa'kin!" Maliksing sabi ng bata.
Tumango siya kay Madel at sinabi nga niya kay Mang Estong ang nais nitong iparating.
"S-salamat! Salamat" Tuluyang napaiyak si Mang Estong. Para itong nabunutan ng tinik sa didbib. "Kung sana ay tinakas ko na lang siya noon! Sana ay bu
