BAGO kami umuwi sa Mansion ay nagpadaan muna si Kesha sa National Bookstore. Bibili na raw agad siya ng mga kailangan para sa Baby Gender Reveal na gagawin niya. Siya na nga lang bumaba at nagpasama siya kay Kuya Renzo, hindi ko alam kung bakit ayaw niya magpasama kay Chef Rainer, eh, nag-prisinta naman na si Chef Rainer pero para siyang walang narinig.
May something talaga sa kanilang dalawa, e.
“Miss Isa, anong gender ng baby niyo po?” Pagtatanong sa akin ni Chef Rainer, lumingon pa siya sa akin para lang magtanong.
Nagkatinginan kami ni Mama sa isa't-isa. “Secret po, Chef Rainer. Alam kong sasabihin niyo sa Bossing mo, once na sabihin ko ang gender ni baby.” Nakangisi kong sabi sa kanya at napakamot nga siya sa kanyang batok.
“Nadali niyo agad, Miss Isa!” Natatawa niyang sabi sa a
