Kabanata 56
Jealous 2.0
Naging masikip para sa amin ni Harold ang mundo dahil ako na mismo ay umiiwas dito kapag nasa opisina kami. Tiyak naman kasi na marami ang hindi ito maiintindihan sa kung ano ang meron sa amin ngayon. Idagdag mo pa na malaki ang kompitensya sa trabaho kaya tiyak na mainit ang mata nila sa'kin kung sakaling magpakita kami ng motibo.
Isa pa uumpisahan na ang proyekto ng mga Hidalgo kaya magiging busy na ako sa mga susunod na linggo. Hindi ko rin madalas makita si Harold sa opisina dahil palagi raw itong nasa meeting.
Mabuti ay may oras pa ako ngayon linggo para sumaglit sa fitting ng gown na susuotin ko sa nalalapit na kasal nina Joe at Rudolph.
"Bakit hindi pa kayo nagsabay ni Harold, tutal ay hindi naman kayo mapaghiwalay na dalawa?" Nakataas ang kilay sa'kin n
