BIGLA na nga lang napahinto sina Cruxade nang isang malaking grupo ng mga players ang bigla na lang sumalubong sa kanila. Mukha yatang bago sila makarating sa Domain City ay kailangan muna nilang mapalaban sa mga ito. Isa pa, hindi rin basta-basta ang mga players na narito dahil ang pinadala ng Council ay ang walong squad leaders nila, na kasama ang mga members nila sa kanilang grupong hinahawakan.
“Tss… Siguro kung hindi nag-level-up ang espada, baka kinabahan na ako… Kaso,” seryosong winika ng pinuno ng Domain Axis na ngayon nga ay nagliliyab na ang kalahati ng katawan, na sinabayan din ng kanyang espadang naka-hide sa kalaban ang level.
“Huwag kayong matakot, labanan ninyo ang sa tingin n’yo ay kaya ninyong tapatan, at kami naman nina Texoz at Saki ang bahala sa mga squad leaders nila
