WOOD Village.
Bumangon na nga si Laxus mula sa pagkakahiga at napaseryoso siya dahil wala si Lisa sa kanyang tabi.
“Saan nagpunta ang isang iyon?” tanong niya sa kanyang sarili at nang tingnan niya ang kabila ng kama nila ay napa-iling na lang siya dahil nasa sahig pala si Lisa. Mahimbing pa rin itong natutulog at kung tama ang hinala ni Laxus ay sa tingin niya ay nahulog ito dahil sa kalikutan nitong matulog.
Pumunta na nga lang siya sa may bintana ng kanilang kwarto na napakasimple lang kung pagmamasdan, isa pa, halos lahat ng bahay sa village na ito ay gawa lang sa kahoy. Wala nga siyang nakitang mga sementadong shops at kabahayan dito. Mukhang ito ay dahil na rin sa pangalan ng lugar na ito na Wood. Napahawak pa nga si Laxus sa dingding ng kanilang silid at marahan niya itong kinato
