NAGMULAT ng mga mata si Karen nang makapa niya na wala na sa kanyang tabi si Trivor. Bumalikwas siya ng bangon nang malamang alas-diyes na pala ng umaga. Lumabas siya ng kuwarto at kinatok ang kuwarto ni Trivor, ngunit nang buksan niya’y wala naman ito roon.
Paglabas niya ng kabahayan ay wala naman siyang nakitang kotse na nakaparada sa garahe. Bumalik na lamang siya sa kuwarto niya at dumeretso sa banyo. Pagbukas niya ng pinto ay natigilan siya nang mabasa ang nakasulat sa malaking salamin gamit pa ang kanyang lipstick na pulang-pula.
Good Morning! Thanks for the great evening. I prepared some breakfast for you in the kitchen.
Trivor
Napangiti siya. Hindi niya binura ang nakasulat hanggang sa matapos siyang maligo. Pagkuwa’y tinungo na niya ang kusina kung saan may nakahaing almusal
