Nananatiling nakaawang lamang ang bibig ni Amiro dahil sa sinabi ng kanyang Papa. Pakiramdam niya nanlalamig ang kanyang buong katawan, galit siya sa lalaking naging dahilan ng pag-ewan sa kanila ng kaniyang Mama. Ngunit may isang bagay pa siyang kinakatakutang malaman. Iyon ay ang tungkol sa dalawang anak ng kanyang Mama na inabandona din nito.
"Sa maniwala ka at sa hindi anak, siya iyon. Ang lalaking kinahuhumalingan ng iyong Mama. Siya ang lalaking kasama niya noong gabing umiiyak ka dahil hinahabol mo ang iyong Mama habang papalayo dito sa mansyon," tiim bagang na wika nito.
"Gusto ko siyang makausap Papa, may nais lamang akong matiyak. Maiwan ko po muna kayo mas tao lamang din akong kakausapin." sabi niya dito tsaka nagmadali na siyang umalis papasok ng mansyon, ni hindi na niya n
