"Nahihibang ka na ba Akisha?!" galit na wika ng kanyang Kuya James sa kanya.
"Kuya ito na lamang ang tanging paraan para maibalik natin ang lupain ni Itay! Handa kong gawin ang lahat para mapasaya siya, k-kong n-nakita mo lamang sana kong papano si Itay umiyak kanina. Siguradong mawawasak din ang puso mo, alam naman natin kong gaano kahalaga ang lupang iyon sa kanya," naluluha na wika niya sa kanyang Kuya James.
"Pero Aki, naiisip mo ba ang sinasabi mo? Naiisip mo ba kong ano ang mangyayari sayo?! Aasawahin ka ng matandang iyon! Makikisama ka don, mag-isip ka ngang babae ka!" galit na wika muli nito.
"Kuya kaya nga ikaw ang kinakausap ko, ang gusto ko suportahan mo ako para maibalik natin ang lupa ni Itay. Hayaan mo na ako dahil kaya ko ang sarili ko, ang mahalaga hindi ko na makita
