NANG mag-back to work na si Zi ay hindi naman ito umalis sa mansiyon. Sa mismong study room nito ito nag-o-opisina. Pumupunta sa mansiyon ang secretary ni Zi kapag may mga pipirmahan ang kaniyang asawa na mga importanteng papeles. At ang Del Greco brothers, hindi pa rin nagpapakita sa mansiyon.
Mukhang hindi talaga makapunta roon dahil sa sinabing kundisyon ni Zi.
Inilapag ni Karizza ang tasa ng kape sa gilid ng lamesa ni Zi. “Hindi pa rin ba nagbabago ang isip mo?” tanong pa niya sa kaniyang asawa.
Itinigil nito ang ginagawa at nag-angat ng tingin sa kaniya. “Pardon?”
“‘Yong tungkol sa kundisyon mo sa magkapatid.”
“Hayaan mo sila, mia moglie. Salamat sa kape,” wika pa ni Zi.
“You’re welcome. Ayaw mo ba talagang pumasok sa opisina?” kapag kuwan ay tanong naman niya.
“Okay lang ako r
