NANG gumanda nga ang panahon kinabukasan ay agad na silang bumyahe papunta sa private island sa parteng Palawan. Wala talagang sinayang na oras o minute si Zi. Talagang inagahan nito ang gising para lamang makita ang kundisyon ng kalangita. Pagkatapos nilang mag-almusal ay umalis na rin kaagad sila.
At katulad ng kanilang inaasahan ni Zi, tuwang-tuwa si Khai na naglaro sa tabing dagat. Kahit kainitan ay hindi ito umalis sa dalampasigan. Kaya naman naglagay ng malaking beach umbrella para hindi mainitan si Khai. Tuwang-tuwa rin itong makipaglaro sa mumunting alon.
Habang si Karizza, hindi mapigilan ang hindi maging emosyonal dahil sa alaala na mayroon sila ni Zi sa lugar na iyon. Naroon pa rin sa dulo ng boardwalk ang cottage na paborito nilang pag-stay-an ni Zi.
“Bawal tayong mag-overni
