AWTOMATIKO ang pagbaling ng tingin ni Ravano sa may pinto ng pribadong silid, na ukupado ng kaniyang mag-iina, nang bumukas iyon.
Buhat sa pagkakaupo sa kinauupuang one seater sofa, na inilapit niya sa kinaroroon ng kambal at ng mismong hospital bed na kinahihigaan naman ni Tyrah, napatayo siya nang mapagsino ang bagong dating.
Tulog ang kaniyang mag-iina ng mga sandaling iyon. Matapos i-breastfeed ni Tyrah ang kambal ay maging ito ay nakatulog din.
“Kuya,” bulalas niya sa kaniyang bagong dating na kapatid na si Massimo. Naiwan sa labas ang kasama nitong mga bodyguard.
Walang salita na deretso lamang ang paglalakad nito palapit sa hospital bassinet, ang kinahihigaan ng kambal.
Hindi man nagsasalita ang kaniyang kapatid o mabanat ang ngiti sa labi, ngunit bakas naman sa mga mata nito a
