BUHAT sa binabasang magazine ay naagaw ni Zi ang atensiyon ni Karizza. Gumuhit ang ngiti sa labi niya nang makita niya si Zi.
“Tapos na kayong maglaro ng chess ni Papa?” tanong pa niya sa kaniyang asawa.
Kanina kasi, bago siya dumiretso sa silid nilang mag-asawa, para magpahinga ay naraanan pa niya ang kaniyang Papa Abel at si Zi na naglalaro ng chess. Habang ang magkapatid naman na Del Greco ay abala sa panonood.
“Hmm.”
“Sino ang nanalo?”
“Sino pa ba?” may pagmamalaki pa sa boses ni Zi.
“Ikaw?” hula niya.
“Si Papa Abel,” nangingiti namang wika ni Zi na ikinatawa naman ni Karizza.
Magaling din kasi sa paglalaro ng chess ang kaniyang ama. At mukhang hindi rin umubra sa galing ng kaniyang ama si Zi.
Tinapik niya ito sa balikat. “Better luck next time.”
“Nakailang ulit na kaming nag
